رسائل تضحيه من اجل الحب

¤[»«]¤

جمر الهوى لو ما
طفيته حرقني
وجمر الغلا لو
ما اشتعلته تألمت ..
اشتاق لك دام ربي
خلقني ..
وابيك تفهمني
لو تكرمت ..
انا اقسم بعزة من خلقك
وخلقني
لو منت غالي
ما جبرني القلب
وكتبت...

¤[»«]¤

صرت أتمنى الموت وأقول ياليت ..
ياليتني وسط المقابر دفيني
يمكن يحس بلوعتي لاتوفيت..!
ويقول باسبابي توفى حزيني..
وأن جيت قبري بعد موتي وعزيت..
يمكن ترد الروح يازين فيني..!!!

¤[»«]¤

تــعالي غيري لون الليالي
مثل ماغير أحساسك كياني
((غرامك))
حلم نور لي وجودي
((غرامك))
كل شيء في زماني
((غرامك))
دم يسري في عروقي
وبأسمك ينبض الخافق معاني
أنا اللي كثر حبي لك أحبك
أنا اللي فيك
كنت .. ولازلت .. وببقى
مـــجنون و أنـــانــي

¤[»«]¤

والله لو بيدي لأخليك
مرتاح
وأعطيك راحتي وأزيدك
عليها..!
وتصبح حياتك كلها
أفراح بأفراح
وأرسم لك البسمه
وأحسسك فيها..!
وأعطيك لأبواب المقابيل
مفتاح
وتمشي لك الدنيا على
ما تبيها..!

¤[»«]¤

الناس في بسمة المجروح منخدعه !!
كم بسمه من وراها النار بأنفاسي ؟؟
بعض المواجع لها ما تنفع الفزعه !!
وبعض المواجع وجعها من وجع ناسي !!
عودت نفسي على الصدمات و الفجعه !!
ولو دست جمر الزمن ما ينحني رأسي !!!

¤[»«]¤

ابطى جوابه والرسايل قليله.."
والشوق يدفعني على كل الأحوال..!
صحيح قلب المؤمن أصبح دليله.."
لكن قلبي ماعرف راحة البال..!
ياليته يكمل بقايا جميــله.."


¤[»«]¤

من أمس قلبي خفقته ماهي بخير..
من يوم غابت عن سمايه بروقك..
يومين وهمومي بقلبي طوابير..
وأنت الوله عيا يبلل عروقك..
كانه بخل..؟
حول علي الفواتير...!!
وكانه ثقل..يلين الله خفوقك..""

¤[»«]¤

تلف هالدنيا على الناس وتدور..
والزمن عندك توقف ولا دار..!
أدري مقصر بس لاصرت مجبور..
ودي تسامحني على حكم الاقدار..
كني بدونك..عقد لاصار منثور..
وش يجمع المنثور دام الزمن جار..!!"

¤[»«]¤

كنى سمعتك تقول:
وين انت ..؟!
يلي فراقك هشم
أضلاعي ..
قلبي " تشتت " وصعب
اليوم تجميعه ..
عيب المحبة تغير بعض
الأوضاعي ..
واللي بقلبك عيونك لازم
تذيعه ..
جوابي العجول:
ليتك حبيبي تشوف بعينك
أوضاعي ..
وتعرف اللي يحبك ما
يبيعك


¤[»«]¤

وش هالكون بعدك
علمني وش يكون؟؟
وش هي الدنيا بدونك غير صمت وسكون!
الصبح شاحب!
والليل تملاه الظنون!
والزوايا موحشه!(فاقده قلب حنون)
عادي كل هالناس عندي يروحون او يجون . .
الا انت غير كل هالناس
" روحتك ماتهون "

¤[»«]¤

خذني على قد تفكيري
وجاملني
يكفيني
اللي مضى من وقتي
القاسي
أبيك لا خانت الأيام
تسندني
وأبيك ذخر الليالي
لا ضعف باسي
أمنتك الله تكفى
لا تضيعني
وأنت وضميرك تصرف
يابعد راسي

¤[»«]¤

من كثر حبي لك .. يقولون : مسحور !!
وإن كان حبك سحر .. فلا ابغى علاجه ..
خله يسلي خافقن فيك مغرووور !!
مادام سحرك غايته وابتهاجه ..
قلبن يحبك لاتخليه مقهـور !!
أدخل على الله لاتكدر مز111جه


¤[»«]¤

خذني بحضنك أبغفى
مبطي ماغفيت ...وإن
لمحت دموع عيني
سو نفسك مالمحت
"خذني بحضنك "
وبعثر في جروحي وإن قضيت ..
هز كتفي
وقلي عيب تبكي لو سمحت..
"وضمني حيل يمك "
وكمل ضحكتك حتى لو أني بكيت
ودي أذكر كيف كانت
ضحكتي لامني بقربك فرحت ..

¤[»«]¤

سبحان من صور حبيبي على الكيف
واختار له صورة تليق بمقامه
صحيح لو قالوا عجيب التواصيــف
في مشيته في ضحكته في كلامه
إذا هرج لك ما تمل الســواليف
وليا إبتسم يازين ذيك الإبتسامه

¤[»«]¤

يا صــاحبــي
عسـى البشـر مـن فـدايــاك
وعســى الزمــن يا غــايتــي ما يضــرك
البعــد ما يبعــد قلــوب تمنـــــاك
مــدام فيهــا يا حبيبــي مقــرك
نغليــك
ونحبــك
غــلا مــوت نهــواك
و يجــرنــا شـــوق الغــلا اللـي يجــرك
لا تحسبنــا يـا حبيبــي نسينــاك
حتــى الجفــا يا غايتـــي لا يغــرك

¤[»«]¤

الله من ليل سهرته
لحالي
يوم السماء غيمه يغطي
نجومه
نامت عيون اللي من الهم
خالي
ما هو بمثلي يحترق في
همومه . هم يهدم نايفات
الجبالي . الليل طول
وأزعجتني حلومه
مايسهر ألا من فقد شوف
غالي
يرعي خياله طول ليله
ويومه

¤[»«]¤

ليتك وهم .. وأعاملك مثل الأوهــام
وليتك زعل وأموت أنا ما رضيته
أمعاهدك باللي ضمن رزق الأيتام
لا أعطيك .. كل اللي بعمرك رجيته
حتى خقوق راحت ضلوعه أقسام
إخذه .. أن كانه في محله لقيته

¤[»«]¤

ان خسرتك وين ابلقى لك شبيه ؟؟
وانت من كل شي نادر تحتوي ..
انت حتى الجرح منك اشتهيه ..
من غلاك اضم عذابك وارتوي ..
ليه اسولف لك ؟؟ من غير ليه ..
تعرف انك تطوي احزاني طوي ..
انت حبك شي ماقدر عليه ..
كن حبك ضيف والقلب بدوي !!

¤[»«]¤

بسألك واسمع سؤالي ..!
ليه بس أنـت اللـي غالـي؟؟
رغم هجرانك وصدك ..!
صورتك دايم فـي بالـي!!
ليه تبي تفرض حضورك؟؟
وأعشقك وأعشق غرورك؟
من أجل ما أجرح شعورك..!
راضـــي بهذا التعالـي!!
ليه لو أطلب أشوفـك؟
تمنعـك عنـي ظروفـك؟
وأقبل أعذارك وخوفك..!!
وابقـــى بشوقـي لحالـي!!


¤[»«]¤

وش كنت بقول لك ..
نستني عيونك ..
سرحت افكر بروعه خلق خالقها ..
انسى معك كل شي ...
تاخذني فنونك ..
في بالي الكلمه .. ولا اقدر انطقها ..
واعود انشدك وش الاخبار وشلونك ؟
حتى السوالف معك .. يختل منطقها ...

¤[»«]¤

أنا حالي كذا يوم عرفتك
وإبتديت أهـــــواك
عشقت الحرف و العزله
وصمت الليل يغـــريني
أحبك.. كيف ما أحبك ؟
أحبك .. ماقدرت أنساك
وإذا شايف بقولي شك.. تعال وناظـــر بعيني
حفظتك في وسط عيني ((عزيــــز)) والهدب غطاك
أبقهر من يشوفونك
وأتجاهل.. من يناديني .

¤[»«]¤

على ذيك الدروب الي توديني لأعز انسان..
أجي من لهفتي مشتاق للضحكه وراعيها..
ألا ياصاحب القلب الرحيم اليانع الهتان..
ترى ذيك الضماير شوفتك بالحيل ترويها..

¤[»«]¤

وين أودي شوق قلبي والوله..
لو غديت بعيد عني ماأسمعك..
تملك احساسي وفكري تشغله..
ترحل طيوفك..وفكري يجمعك..
هاك قلبي هاك ليتك تقبله..
خذ سنين العمر..أو خذني معك..!

¤[»«]¤

صحيح وقتي من الأحباب يسرقني..
عسى الأحبه تقدر سبة غيابي..
من كثر مالوقت مضايقني ومرهقني..
ماودي أجيب همي وأزعج أقرابي..
لاصار وضعي حزين وحيل خانقني..
أحسن لي أغيب وأحبابي هم أحبابي..

¤[»«]¤

تبي الصراحة وش تبي بالصراحة
اكذب عليك ان قلت عايش بخير
لاجيتني صدري يزيد انشراحه
وغيرك على دنياي نقص ومخاسير
في ذمتي ماغيرك ارجي سماحه
قول شتبي مني واقول ابشر
يصـــــــيـر.

¤[»«]¤

يا كثـر حبي لك وياكثـر مغليــك ..
و يا كثــر مالك في ضميــري معــزّه ..
انسـى
حيـاتـي بس مـانـي بناسيـــك
حبـك بوسط القلـب محد(ن) يهــزه
امــوت و احيــا كل ما حــل طاريــك
واااااهنـــي قلبــي دام قلبــك يعــزّه
قلـب ملكتــه يا هــوى البــال يفديــك
خــذه و حطـــه وســط جوفــك و عـــزه .

¤[»«]¤

ياللي بعيد الدار مسيت بالخير,,
عساك تسلم في مسا كل ليلة.."
أرسلك أشواقي مع النجم والطير..
عيني تمنى شوفتك لو مستحيلة..
أضحك مع الناس لكن ضحكي معك غير..
الروح تنتشي وتطيب لو كانت عليلة..!

¤[»«]¤

ياما جرحني الغلا جرح(ن) تجدد
وياما بقلبي شلت ناس(ن) نسوني
عاملتهم بالود محدن تودد
عاملتهم بالصدق ماصدقوني
قربت منهم بس كلن تصدد
نصيتهم بالشده بس أخذلوني
كانوا حلم في حياتي وتبدد
يوم غمضت عيني
أعاند دمع جرحي ..
مشو
وأتركوني !!